Тропари, кондак, величание преподобной Евфросинии Московской, основательницы Вознесенского монастыря

Преподобная Евфросиния МосковскаяТропарь преподобной Евфросинии Московской, в миру великой княгини Евдокии. Глас 8

По земнем вдовстве Небесному Жениху себе уневестивши/ и в княжестем чертозе подвижнически поживши,/ послежде и чертог, и чад твоих/ Бога ради оставила еси, преподобная Евфросиние,/ и вшедши во обитель, тобою созданную,/ и во иночестем образе многи подвиги показала еси,/ и святое твое житие по благодати Божией блаженною кончиною увенчала еси./ И ныне предстоящи Христу Богу,// моли спастися душам нашим.

Другой тропарь преподобной Евфросинии Московской, в миру великой княгини Евдокии. Глас 5

От юности предызбранная Богом угоднице,/ оставльши светлый чертог княжеский,/ уклонилася еси во обитель, тобою созданную,/ и, пучину житейскаго моря преплывши,/ ныне со Ангелы песнословиши Христа Бога./ Емуже непрестанно молися, преподобная,/ яко да сохраняет выну обитель, тобою созданную,/ и дарует нам мир и велию милость.

Кондак преподобной Евфросинии Московской, в миру великой княгини Евдокии. Глас 2

Вся красная мира сего, яко суетная, презревши/ и тело твое постом и бдением изнуривши,/ непрестанными молитвами Богу угодила еси,/ преподобная Евфросиние,/ и, дар исцелений от Него прияти сподобльшися,/ слепому прозрение и многим недужным иcцеление даровала еси./ Темже радостно взываем, глаголюще:// слава Богу, прославляющему святыя Своя.

Величание

Ублажаем тя, преподобная мати Евфросиние, и чтим святую память твою, ты бо молиши за нас Христа, Бога нашего.

Скачать тропари, кондак, величание преподобной Евфросинии Московской

Акафист преподобной Евфросинии Московской

Добавить комментарий

Ваш e-mail не будет опубликован. Обязательные поля помечены *