Собор Радонежских святых

Собор Радонежских святых19 июля Русская Православная Церковь празднует Собор Радонежских святых. К числу этих святых угодников Божиих относятся и собеседники преподобного Сергия Радонежского святой благоверный князь Московский Димитрий Донской и его супруга княгиня Евдокия, в инокинях преподобная Евфросиния Московская, основательница Вознесенского монастыря.

Тропарь Собору Радонежских святых. Глас 4.

Днесь светло празднуем, вернии людие,/ преславныя Троицкия обители торжество:/ се бо велий собор святых чудотворцев Радонежских,/ яко дивныя птицы небесныя,/ являет нам Церковь Российская,/ стезями честнаго их жития шествовати всех призывающи,/ к нимже, с верою и любовию притекающе, воззовем:/ молитеся о нас ко Пресвятей Троице,/ преподобный отцы наши с Богоносным аввою Сергием,/ мир мирови даровати/ и душам нашим велия милости.

Тропарь Собору Радонежских святых. Глас 2

Плоды добродетелей на земли принесше,/ преподобнии отцы,/ в Небесных чертозех ныне благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно молите,/ спастися душам нашим.

Кондак Собору Радонежских святых. Глас 8

Приидите, вси концы отечества нашего,/ прославим святый лик угодников Радонежских,/ яко звезды, украсивших небо церковное подвиги земнаго жительства,/ тех бо предстателъством теплым ко Господу/ многия нам милости Его низпосылаются,/ бедствия отгоняются и злыя страсти укрощаются./ Ихже всесвятую память ныне празднующе, тако возопиим:/ радуйтеся, Сергие и Никоне и вси Радонежстии чудотворцы,/ усерднии служителие Живоначальныя Троицы.

Молитва Радонежским святым

О преподобнии и богоноснии отцы наши Сергие, Никоне и вси Радонежстии святии во обители Животворящия Троицы благолепно процветшии и в земли Российстей преславно возсиявшии! Яко лучи многосветлыя Солнца правды, Христа Жизнодавца, во отечестве нашем вы убо явистеся, светом благодати.

Добавить комментарий

Ваш e-mail не будет опубликован. Обязательные поля помечены *