Молитва преподобной Евфросинии Московской

Евфросиния МосковскаяО преподобная княгине Евфросиние, добляя в женах подвижнице, прехвальная угоднице Христова! Приими моление о нас, недостоиных, с верою и любовию к тебе припадающих, и теплым к Богу ходатайством испроси граду Москве и людем от бед и напастей сохранение, Вознесенской обители, тобою созданней, возрождение, утверждение и благоспеяние. Споспешествуй, яко чадолюбивая мати, чадом, тобою собранным, понести иго Христово во благодушии и терпении и добре подвизатися ко исправлению жития своего, еже ко спасению. В мире благочестно живущим испроси у Господа в вере твердость, во благочестии преспеяние и всем, с верою прибегающим к тебе и твоея просящим помощи и заступления, подавай присно недугов исцеление, в скорбех утешение и во всем житии благопоспешение. Наипаче же умоли Господа в мире и покаянии земное житие преити нам, мытарств горьких и мук вечных избавится и Царство Небесное твоим ходатайством получити, идеже ты со всеми святыми Господу предстоиши, да всегда славим Отца и Сына и Святаго Духа, ныне и в безконечныя веки веков. Аминь.

Добавить комментарий

Ваш e-mail не будет опубликован. Обязательные поля помечены *